Кыргыз мушкерлери тай бокс боюнча Дүйнөлүк чемпиондукка катышат

Беларустун борбору Минск шаарында 5-майдан 12-майга чейин өтө турган тай бокс боюнча Дүйнөлүк чемпиондукка Кыргыз өлкөсүнүн атынан 4 спортчу катышат. Бул тууралуу аталган спорт түрүнүн федерациясы билдирет.

Белгилей кетсек, өткөн жылы аталган чемпиондукта Кыргыз мушкерлери 2 медалга ээ болушкан. Анда Мирбек Сарткалмаков күмүш медалын тагынса, Рафаэль Физиев коло медаль жеңип алган.

Кыргыз өлкөсүнүн курамы:

51 килограмм салмакта - Уларбек Бакытов;

57 килограмм салмакта - Арсен Зарылбеков;

63,5 килограмм салмакта - Тимур Маматисаков;

67 килограмм салмакта - Бекжан Матысаев;

Башкы машыктуруучу - Павел Федотов.