Аюу айылындагы жер көчкүнүн астынан 2000-жылкы баланын жансыз денеси табылды

3-майда саат 18:10до Заргер айыл аймагынын Аюу айылындагы жер көчкүнүн астынан 2000-жылкы бир баланын жансыз денеси табылды. Бул тууралуу Өзгөчө кырдаалдар министрлигинин басма сөз кызматы билдирди.

Болжолдуу тизмеге ылайык, ал Хуршидбек Назирбаев болушу мүмкүн. Жалпысынан 8 жансыз денелер табылды.

Белгилей кетсек, 29-апрелде жер көчкү астында 24 адам калган.

Табылгандардын болжолдуу тизмеси:

2005-жылы туулган Адина Маманова;
2015-жылы туулган Мадина Хабибилаева;
1997-жылы туулган Гүлайым Назирбаева;
1978-жылы туулган Икрамжан Коргонбаев;
2013-жылы туулган Алмазбек Назирбаев;
2003-жылы туулган Азиза Назирбаева;
2007-жылы туулган Умида Назирбаева;
2000-жылы туулган Хуршидбек Назирбаев.