АКШнын Нью-Йорк шаарында табылган жансыз дене 20 жаштагы Азиз Чиркеевге таандык экени айтылды

АКШнын Нью-Йорк шаарындагы дарыяда табылган жансыз дене Кыргыз жараны, 20 жаштагы Азиз Чиркеевге таандык экени аныкталды. Бул тууралуу бүгүн, 4-майда Beck TJ аттуу интернет колдонуучу Фейсбуктагы өздүк баракчасына жазды.

Анын айтымында, Кыргыз жараны, 20 жаштагы Азиз Чиркеев үстүбүздөгү жылдын 3-апрелинен бери дайынсыз болуп, изделип жаткан. 30-апрель күнү Нью-Йорк шаарындагы East River дарыясынан белгисиз адамдын жансыз денеси табылган. АКШнын Иммиграциялык кызматынын маалыматы боюнча, табылган жансыз дене Азиз Чиркеевге таандык.

"Биз бул тууралуу Вашингтондогу Кыргыз Республикасынын элчилигине билдирдик. Азыркы тапта "жүк-200дү" жөнөтүү үчүн каражат топтоп жатабыз", - деп жазат фейсбуктагы баракчасына.

Бул тууралуу Кыргыз Республикасынын Тышкы иштер министрлигине кайрылганыбызда, маалымат такталып жатканын билдиришти.