Кемин районунда күйөөсүнүн өлүмүнө шектелген аял кармалды

Кемин районунда күйөөсүнүн өлүмүнө шектелген аял кармалды. Бул тууралуу бүгүн, 4-майда Чүй ОИИББинин басма сөз кызматы билдирди.

Маалыматка караганда, 2-май күнү саат 23:30 чамасында Кемин РИИБинин нөөмөт бөлүмүнө маалымат келип түшкөн. Анда Кызы-Суу айылындагы турак үйлөрдүн биринен 57 жаштагы Т.Т. аттуу тургундун жансыз денеси табылганы айтылган.

"Окуя болгон жерге милиция кызматкерлери барышып, маркумдун бычактан алган жаракатынан улам каза болгону аныкталган. Бул кылмышка шектүү катары 48 жаштагы И.Г. кармалган. Ал маркумдун аялы болгон. Ошол күнү экөө спирт ичимдигин ичип отурушуп, уруша кетишкен. Мындан улам И.Г. күйөөсү Т.Тны бычак менен сайып салган", - деп айтылат Чүй ОИИББинин маалыматында.