Өкмөт Конституция күнүнө карата мамлекеттүүлүктү өнүктүрүүгө салымын кошкон активисттерди куттуктады

Бүгүн, 5-майда өкмөт аппаратынын жетекчиси Акылбек Осмоналиев Конституция күнүнө карата мамлекеттүүлүктү чыңдоого жана өнүктүрүүгө салымын кошкон активисттерди куттуктады. Бул тууралуу өкмөттүн басма сөз кызматы билдирди.

"Сиздер сыяктуу адамдар бар үчүн кыргыз мамлекеттүүлүгүнүн негизи бекемделип, жарандык коом институту өнүгүп, өсүп келе жаткан муун патриоттук сезимде тарбияланууда. Республикага кошкон салымыңыздарды эске алуу менен, премьер-министр Сооронбай Жээнбеков Конституция күнү менен куттуктайт. Өкмөт башчысынын атынан сиздерге чың ден соолук, ишиңиздерге жана кыргыз элинин, жалпы өлкөнүн жыргалчылыгы үчүн баштаган ишиңиздерге ийгиликтерди каалайм", - деп билдирди Акылбек Осмоналиев.

Жолугушууга акын-жазуучу, Улуу Ата Мекендик согуштун 2-топтогу ден соолугунун мүмкүнчүлүгү чектелгендер, “Ак Жол” коомдук фондусунун төрагасы Асек Урманбетов, жазуучулар бирикмесинин мүчөсү Каныбек Бокоев, “Кыргызстан юристтер ассоциациясы” коомдук бирикмесинин жетекчиси Жеңишбек Арзыматов, “Жарандык демилге интернет саясаты” коомдук фондунун директору Татту Мамбеталиева жана “Алыкул үйү-борбору” коомдук бирикмесинин директору Памирбек Казыбаев катышты.