ЖЫЛНААМА, 6-МАЙ: Мындан 161 жыл мурун австриялык психиатр жана врач Зигмунд Фрейд туулган

Австриялык атактуу психиатр жана врач Зигмунд Фрейд туулган. Зигмунд Фрейд XX кылымдагы психологдор арасында өзгөчө орунду ээлейт. Анын психологиялык, социологиялык көз карашы искусство, социология, этнография жана психиатрия илимдерине олуттуу таасир тийгизген.

Ал 1856-жылы ошол кездеги Австриянын Фрайберг шаарында туулган. 1873-жылы Вена университетинин медициналык факультетине тапшырган. Венадагы терапевтикалык, психиатриялык клиникаларда иштеген. Йозеф Брейер менен биргеликте невроздорду айыктыруунун катартикалык ыкмасын ойлоп тапкан. 1895-жылы алардын "Албууттануунун изилдөөсү" китеби чыккан. Андан психоанализдин тарыхын жүргүзүү керек.

40 жылдан ашык убагын психоанализдин теорияларын түзүүгө короткон. Фрейдди окумуштуу жана кыраакы деп атап, илимдин жаңы багытынын негиздөөчүсү катары билишет. Анын аты менен адамдын психикасындагы эси жоктукту байланыштырышат.

1938-жылы Австрияга кирген улутчулдар анын паспортун, менчигин жана китепканасын тартып алып, туткундашкан. Эл аралык психоаналитика коому Фрейдди алып чыгууга аракет кылган, бирок улутчулдар ал үчүн акча сурашкан. Анын бейтабы канбийке Мария Бонапарт 100 миң шиллинг төлөгөн. Фрейддин үй-бүлөсү Лондонго көчкөн. Ал эми анын 4 бир тууганы газ камераларында каза болушкан.

Зигмунд Фрейд 1939-жылы 23-сентябрда каза болгон.