Премьер-министр Жантөрө Сатыбалдиев банк кызматкерлерин кесиптик майрамы менен куттуктады

Премьер-министр Жантөрө Сатыбалдиев банк кызматкерлерин кесиптик майрамы менен куттуктады. Куттуктоо тексти: “Урматтуу банк кызматкерлери! Өкмөттүн жана жеке өзүмдүн атымдан сиздерди кесиптик майрамыңыздар  – Кыргызстандын Банк кызматкерлеринин күнү менен жана ошондой эле биздин өлкө үчүн эң эле орчундуу дата болгон улуттук валютабыз – сом пайдаланууга киргизилгенден бери 20 жыл толгондугу менен куттуктайм! Биздин банк кызматкерлеринин чаалыкпас эмгеги, кесипкөйлүгү жана бай тажрыйбасы банк системин калыптандыруудагы татаал жолду басып өтүүгө көмөкчү болду. Кесиптик майрамыңыздар, бул маараке өлкөнүн банк секторун мындан ары дагы өнүктүрүүгө жана республиканын экономикасын чыңдоого жаңы дем берет деп ишенем. Сиздерге алдыңыздарга койгон максаттарыңызга жетүүдө чыгармачылык ийгиликтерди, чың ден соолук, үй-бүлөлүк бакыт каалайм!”