“Спартак” футболдук клубу 16 жылдан кийин Орусия чемпиондугун багындырды

Орусиянын эң атактуу саналган “Спартак” футбол клубу Орусиянын футбол боюнча биринчилигинин 27-турунда чемпиондукту камсыздады. Массимо Каррера машыктырган команда 6-майда “Томь” командасын 1:0 менен утса, 2-орунда келе жаткан “Зенит” өз үйүндө “Терекке” 0:1 эсебинде жеңилип калган.

Орусия чемпиондугу 30 турга созулат. 27-турдагы оюндардын жыйынтыгы боюнча “Спартак” 63 упай топтой алды. 2-орунга көтөрүлгөн “ЦСКА” командасы 53 упайга ээ. “Спартак” чемпиондуктун бүтөрүнө 3 тур калганда 2-орундан 10 упай ашып, 1-орунду камсыздай алды.

“Спартак” акыркы жолу өлкө чемпиондугун 16 жыл мурун багынткан. Ушуну менен клуб өз тарыхында 10-ирет өлкө чемпиондугун жеңди.