"Супер-Инфонун" окурманы: "Балдарыбыздын балдарына жеткен гезит болгула!"

Бүгүн, 8-май күнү “Супер-Инфо” гезитинин редакциясында басылманын 15 жылдыгына карата өткөрүлүп жаткан оюн-утуштун кезектеги жеңүүчүсүнө белек тапшырылды. Нарын облусундагы окурмандар үчүн ойнотулган оюн-утуштун жеңүүчүсү Сайкал Багишбекованын сиңдиси Жаркынай Багишбекова: “Эжем Кочкор районунда жашайт. 31 жашта. Мектепте мугалим болуп иштейт. Ал оюн-утуш башталганда мага чалып “мен аябай күтүп жатам. Сен да катышып көр” деп айтып калды. Кезек Нарын облусуна жеткенде “жумуштан чыгып эле барып, жоопторун жазып жиберем” деп сүйүнчүлөгөн. 2-3 күн мурун эле гезиттен анын утканын окуп, эжемди куттуктадым. Мен, эжем жана апам “Супер-Инфону” калтырбай окуйбуз. Айрыкча ашканага тиешелүү кеңештер аябай жагат. Гезитиңиздер буга чейин кандай өсүп-өнүккөн болсо, мындан ары да ийгиликке жетсин. Балдарыбызга, балдарыбыздын балдарына жеткен гезит болгула!” - деди.

Урматтуу окурман, 15 жылдык мааракеге арналган оюн-утуш кызуу уланууда. Сиз дагы катышып, белек утуп алыңыз! Оюн-утушка катышуу шарттарын "Супер-Инфо" гезитинен окуй аласыз.