Учурда Кыргызстанда бронхиалдык астма менен каттоодон өткөн 9556 адам бар

Учурда Кыргызстанда бронхиалдык астма оорусу менен катталган 9556 адам бар. Бул тууралуу Саламаттыкты сактоо министрлигинин басма сөз кызматы билдирди.

“Бул көрсөткүч катталгандардын саны, иш жүзүндө ооругандар мындан 5-7 эсеге көп”,- деп жазылат билдирүүдө. Маалым болгондой, Кыргызстанда бул илдет өлүмгө жеткирчү оорулардын ичинен 3-орунда турат же өлүмдөрдүн 7,2 пайызы аталган илдеттен келип чыгат.