Алматыдагы мигранттар Өзгөндөгү жер көчкү кырсыгынан жабыркаган үй-бүлөлөргө жардам беришти

Казакстандын Алматы шаарында эмгектенген Кыргыз жарандары Өзгөн районунда көчкү кырсыгынан жабыркагандарга жана каза болгондордун жакындарына акчалай жардам беришти. Бул тууралуу бүгүн, 10-майда SUPER.KG порталына кайрымдуулук акциясынын уюштуруучусу Алдаяр Маматов билдирди.

"Мекенибизден алыста болуп, өлкө аймагындагы ар кандай кырсыктар учурунда элибизге өз убагында жардам бере албай жатабыз. Ошондуктан мигранттар өз каалоосу менен ар ким мүмкүнчүлүгүнө жараша акчалай жардам беришти. Кийим-кече да чогулттук.

Мигранттардын атынан атайын өкүлдөр келип, Жалпак-Таш, Заргер, Ничке-Сай айылынын 80ден ашуун кырсыктан жабыркаган үй-бүлөлөргө 200 миң сомдой чогулган акчадан жардам берилди", - деп билдирди Маматов.

Маалыматка ылайык, мигранттар кырсык болгон айылдарда мал союп, каза болгондорго куран окушту.