Ирандык студентти Лионель Мессиге окшошкондугу үчүн полиция кармады

Ирандык студент Реза Парастеш белгилүү аргентиналык футболчу Лионель Мессиге окшошкондугу үчүн аны полиция кармады. Бул тууралуу чет өлкөлүк басылмалар жазып чыгышты.

Маалыматка ылайык, бул окуя Ирандын Хамадан шаарында болгон, Реза Парастеш менен көчөдөн сүрөткө түшүү үчүн абдан көп адам топтолуп курчап алышкан. Мындай абалды полиция кызматкерлери тартипсиздик деп эсептеп, Резону полиция бөлүмүнө алып барган.

"25 жаштагы ирандык студент Реза Парастеш аргентиналык футболчу Лионель Мессиге окшошкондугу менен дүйнөгө таанылууда. Реза Барселонанын футболкасы менен сүрөткө түшүп, интернетке киргизгенден кийин белгилүү болгон. Анан Реза Мессинин адаттарын кайталап, сакал жана чачын футбол жылдызыныкына окшоштурган. Эми кабарчылар Реза Парастештин артынан калбайт жана ал бир нече модель агенттиги менен келишим түзгөн. Мессиге толугу менен окшошом деп Реза футболдун өзгөчө ыкмаларын үйрөнүп жатат", - деп жазышат басылмалар.