"ЭЛДИК КАБАРга" жооп: "Патрулдук милициянын кызматкерлерине кызмат ордуна чейин келгенге жана кеткенге менчик унаасын колдонгонго болот"

Патрулдук милиция жеке унаасы менен туруп алып унааларды тосуп жатканын окурман "Элдик кабарга" кабарлаган эле. Кыргыз Республикасынын Ички иштер министрлигинин 2016-жылдын 8-апрелинде чыккан №370-буйругунун 86-пуктуна ылайык, Патрулдук милициянын кызматкерлерине кызмат ордуна чейин келгенге жана кызмат ордунан кеткенге менчик автоунаасын колдонгонго болорун бүгүн, 10-майда Патрулдук кызматтын басма сөз катчысы Таалай Бугубаев билдирди.

"Бирок менчик автоунаанын ичине отуруп алып жол-коопсуздугуна жана коомдук тартипке көзөмөл жүргүзүүгө, административдик протокол толтурууга жана автотранспортту эксплуатациялоого тыюу салынган. Менчик автоунаасынын ичине кызматкер аба ырайынын кескин өзгөрүшүндөгү убакытта эле кыска мөөнөткө отуруп турууга уруксат берилет", - деп билдирди Таалай Бугубаев.