Күрөш боюнча Азия чемпиондугу: Балбан Нургазы Асангулов коло медаль жеңди

Кыргыз өлкөсүнүн балбаны Нургазы Асангулов Индияда өтүп жаткан күрөш боюнча Азия чемпиондугунда коло медаль жеңди. Мекендешибиз грек-рим күрөшү боюнча беттешке 71 килограмм салмакта чыккан.

Нургазы Асангулов чейрек финалда кытай балбанын 10:5 эсебинде жеңип алса, жарым финалда Иран өлкөсүнүн спортчусуна 4:5 эсебинде утулуп калган. Коло байге үчүн күрөштө үй ээсинин балбаны Дипак Дипак менен кез келип, 8:1 эсебинде жеңишке жетишкен. Муну менен ал Азия биринчилигинде 3-орунга татыды.

Ал эми 59 килограммга чейинки салмакта Кыргыз балбаны Калы Сулайманов 3-орун үчүн болгон беттеште ирандык Саман Морад Абдувалиге 2:4 эсебинде утулуп, 5-орунга гана татыды.

Эске салсак, Азия чемпиондугунун 1-күнүндө Кыргыз өлкөсүнөн Самат Шырдаков менен Нургазы Асангулов коло байгеге жетишишкен.