Валентина Шевченко UFC уюмунун чемпиондук куру үчүн Аманда Нуньес менен беттешет

Кыргыз өлкөсүнөн чыккан спортчу Валентина Шевченко эрежесиз уруштун эң беделдүү мелдеши - UFC уюмунун чемпиондук куру үчүн Аманда Нуньес менен беттешет.

UFC уюмунун өкүлү Дана Уайт билдиргендей, беттеш АКШнын Лас-Вегас шаарында, 9-июлда орун алат.

Аталган беттештин алдында эки мушкер көз караштар эрөөлүндө кезигишип, араздаша кетишти. Аманда Нуньес Шевченкого билгизбей урганга жетишкен. Бул боюнча Шевченко социалдык баракчасына "бул соккуңа беттеште он эселеп жооп берем", - деп жазды.

Эске салсак, Аманда Нуньес учурдагы чемпион болуп саналат. Эки мушкер өткөн жылы беттешип, анда Нуньес жеңген. Эми Шевченко бул беттешти жеңип алса, Орусиядан жана КМШ өлкөлөрүнөн чыккан алгачкы UFC чемпиону болуп калмакчы.