Курманбек Осмонов: "Жогорку Кеңешке өкмөттүн 2012-жыл боюнча отчётун премьер-министр гана бериши керек"

Бүгүн, 13-майда ЖКнын Сот укуктук маселелер жана мыйзамдуулук боюнча комитетинин жыйынында депутат Курманбек Осмонов Жогорку Кеңешке өкмөттүн 2012-жылдагы ишинин жыйынтыгы тууралуу отчётту премьер-министр бериши керектигин айтты. “Эгерде премьер-министр башка комитеттердин жыйынына катышып, ал жетишпей жатса анын ордуна ким келери тууралуу кат аркылуу кайрылышы керек”,- деди эл өкүлү. Ошондой эле ал отчётту угууну 16-майга жылдырууну сунуштады.

Өз кезегинде депутат Феликс Кулов “комитеттерде премьер-министр жетише албай жатыптыр, чоң жыйында өзү келет, бүгүн өкмөттүн отчётун уга берели” деген оюн айтты. Жыйынтыгында отчётту угуу чечимине келишти депутаттар.