Ислам тилектештик оюндары: 50 метрге сүзүү жарышында спортчуларыбыз медалдарга жетпей калышты

Азербайжандын Баку шаарында өтүп жаткан Ислам тилектештик оюндарында сууда сүзүү боюнча мелдеш өттү. Анда 50 метр аралыктагы жарышта 17 жаштагы Кыргыз өлкөсүнүн спортчусу Денис Петрашов 5-орунду ээледи.

Жарыш 13-майда өткөн. Рио-2016 олимпиадасынын катышуучусу Денис Петрашов, 50 метр аралыктагы брасс стилиндеги финалдык жарышта сыйлуу байгеге ээ болгон жок. Ошондой эле 50 метр аралыктагы брасс стилиндеги финалдык жарышта Кирилл Вайс дагы катышып 7-орунду ээлеген. Денис Петрашов 200 метр аралыктагы жарышта 9-келип финалга чыкпай калды.

Бүгүн, 15-май күнү Денис Петрашов жана Кирилл Вайс 100 метр аралыктагы жарышта медаль үчүн күч сынашат.