Кыргыз өлкөсүндө жер титиреди

Бүгүн, 16-майда саат 15:07де Кыргыз өлкөсүндө жер титиреди.

EMSC бүткүл дүйнөлүк зилзалаларды каттоочу уюмдун маалыматы боюнча, анын очогу Талас шаарынан түштүк-батышка карай 53 чакырым алыстыкта, Ташкент шаарынан түндүк-чыгышка карай 236 чакырым алыстыкта жайгашкан. Жер титирөө очогунда 4,6 баллга чейин жеткен.

Кыргыз Республикасынын ­Сейсмология Институту­ бул жер титирөөнүн күчү очогунда 5,5 баллга жеткенин билдирүүдө. "Зилзала Талас облусу менен Жалал-Абад облусунун чектеш тоо кыркаларында болгон. Жалал-Абад облусунда Аркыт айылында 5 баллга чейин, Токтогул шаарында 3-3,5 баллга чейин, Талас облусунун Талас шаарында 3 баллга чейин сезилген", - деп айтылат маалыматта.

Алдын ала маалыматтар боюнча, табигый кырсыктан улам кыйроолор жана жабыркагандар жок.