Ош шаарындагы “Амир-Темир” аймактык кеңешинде 625 орундуу мектептин курулушуна капсула салынды

Ош шаарындагы “Амир-Темир” аймактык кеңешинде 625 орундуу мектептин курулушуна капсула салынды. Мындай маалыматты бүгүн, 16-майда Ош шаардык мэриянын басма сөз кызматынан билдиришти.

Мектептин пайдубалын түптөө иш-чарасына шаар мэри Айтмамат Кадырбаев, шаардык кеңештин депутаттары, мекеме ишканалардын жетекчилери, аксакалдар жана жергиликтүү тургундар катышты. Иш-чаранын жүрүшүндө акыркы 3 жыл аралыгында калаа аймагында 6 бала бакча курулуп, пайдаланууга берилгени айтылды.

"Мектептин пайдубалынын ордун казып, курулуш иштери ушул жылдын февраль айында башталган. Жалпы сметалык баасы 234,5 миллион сомду түзүп, 625 орунга ылайыкташтырылган. "Амир-Темир" аймактык кеңешинде 60 миңге жакын калк жашайт. Аталган айылда 8 мектеп бар", - деп билдирди басма сөз кызматы.