Австралиядагы мода жумалыгында подиумга улгайган моделдер чыгышты

Австралиянын Сидней шаарында өтүп жаткан мода жумалыгында подиумга жашы 50гө жана 60ка чукулдаган моделдер чыгышты. Бул тууралуу кечээ, 16-майда "Daily Mail" басылмасы жазып чыкты.

Маалыматтарга караганда, улгайып калган моделдер дизайнер Томас Паттиктин эмгегинен жаралган көйнөктөрдү кийип чыгышты. Алардын арасында 50 жаштагы саясатчы Энн Али, ырчы Сарша Симон жана башкалар да бар. Бул нерсе аркылуу дизайнер сулуулук ар тараптуу болорун белгилегиси келгенин айтат.

"Бул өздөрүн ар тараптан көрсөткөндү билген күчтүү аялдарды көрсөтүү ыкмасы", - деп билдирген Томас Паттик.

Мода көрсөтүү учурунда "Ак тасма" аталышындагы кайрымдуулук иш-чара үчүн акча чогултулган. Түшкөн каражат үй-бүлөлүк зомбулуктарга кабылгандарга каршы күрөшкө жумшалат.

14-майда башталган мода жумалыгы 19-майга чейин уланары белгилүү болду.