КСДПдан президенттикке альтернативдүү талапкер катары Сагынбек Абдрахманов көрсөтүлөт

КСДПнын активисттери президенттикке альтернативдүү талапкер катары Сагынбек Абдрахмановду (сүрөттө) алып чыгат. Бул тууралуу 17-майда SUPER.KG порталына өздүк булактар маалымдады. Президенттик жарышка КСДПдан сунушталат деп күтүлүп жаткан Сооронбай Жээнбеков менен Чыныбай Турсунбековдун талапкерлигине макул эмес КСДПнын мүчөлөрү альтернативдүү талапкер сунуштоону чечишти.

"КСДПнын катарында Акаев-Бакиев режимине каршы күрөшүп, бирок 2010-жылдан кийин жооптуу кызматтарда иштебеген көптөгөн активисттер бар. Алар КСДПдан сунушталары күтүлүп жаткан 2 адамды президенттикке татыксыз деп эсептейт. Альтернативдүү талапкер чыгаруу чечимине партиядан кандай реакция болот, азырынча белгисиз", - деди өздүк булак.

Сагынбек Абдрахманов буга чейин Чүй облусунун губернатору, "Кыргыз алтын" ишканасынын жетекчисинин орун басары жана башка кызматтарда иштеген.

Эскерте кетсек, бүгүн КСДПнын саясий кеӊеши жыйынга чогулат.