Шамиль Атаханов кыргыз-өзбек чек арасында 58 маселелүү аймак бар экендигин айтты

Кыргыз-өзбек чек арасында 58 маселелүү аймак бар экендигин бүгүн, 13-майда ЖКнын Коргоо жана коопсуздук боюнча комитетинин жыйынында вице-премьер-министр Шамиль Атаханов билдирди. Айтымында, учурда мамлекеттик чек аранын 371 чакырымы делимитация болгон эмес. “Бул тармакта 2 жыл бою тиешелүү иштер жүргүзүлгөн эмес. Чек ара маселелерин чечүүгө багытталган иштер 2012-жылы гана башталды”,- деди Атаханов.