Кыргыз футболчулары грузиялык командадан 0:6 эсебинде утулду

Астана шаарында Казакстандын президентинин Кубогу үчүн футбол боюнча эл аралык мелдеш өтүп жатат. Бүгүн, 13-майда Кыргызстандын жаштар курама командасы менен Грузиянын футболчулары беттешип, мекендештерибиз 0:6 эсебинде утулуп калышты. Бул жеңилүүнүн натыйжасында кыргызстандыктар 6-орунду ээлешти. Ал эми 1-2-орун үчүн бүгүн Казакстан менен Ирандын командалары күч сынашмакчы. Айта кетсек, мелдешке 8 команда катышып жатат. Алардын ичинен 1-орунду ээлеген командага 10000 доллар акчалай сыйлык ыйгарылмакчы.