Сузакта ууланган койлордун саны 130дан ашты

Сузак айыл өкмөтүнө караштуу Ат-Чабар айылында уулуу заттар көмүлгөн жерде оттоп жүрүп кырылган кой-козулар боюнча райондук комиссия түзүлдү. Учурда кырылган койлордун саны 133 болду. Жалпысынан жайытта 200дөй кой болгон. Айта кетсек, кечээ, 12-майда Жалал-Абад облусунун Сузак айыл өкмөтүнө караштуу Ат-Чабар айылында уулуу заттар көмүлгөн аймактан оттогон 122 кой ууланып өлгөн. Бул кырсыкка шектүүлөрдү табуу үчүн кылмыш иши козголду. Маалыматка караганда, Ат-Чабар айылында 1980-жылдары 170 тоннадай уулуу заттын калдыктары көмүлгөн. Бул жер атайын тосулбагандыктан, алюминий идиштерди (фляга) алуу максатында белгисиз жарандар тарабынан мурда казылган.