Бишкекте Энелер күнүнө карата Раиса Атамбаеванын жана дарыгерлердин катышуусунда иш-чара болуп өттү (фоторепортаж)

Алтынай Нарбаева

"2017-жылдын мыкты дарыгери" наамынын ээси Момун Рахманкулов жана Раиса Атамбаева

Ырыскелди Осмонкулов

Жогорку Кеңештин депутаттары Альфия Самигуллина жана Евгения Строкова

Эне жана баланы коргоо борборунун директору Камчыбек Узакбаев

Бүгүн, 19-майда Бишкектеги Эне жана баланы коргоо улуттук борборунда өлкөнүн биринчи айымы Раиса Атамбаева, Жогорку Кеңештин депутаттары жана дарыгерлердин катышуусунда Энелер күнү белгиленди.

Иш-чарада КРнын Саламаттыкты сактоо министрлигинин Ардак грамотасы менен Момун Рахманкулов сыйланып, "2017-жылдын мыкты дарыгери" наамын алды. Андан сырткары ак халатчандарга "мыкты акушер айым", "акушердин мыкты жардамчысы" наамдары, Эне жана баланы коргоо улуттук борборунун жетекчиси тарабынан акчалай сыйлыктар тапшырылды.

Конокторго концерттик программа тартууланып, анда ырчылар Ырыскелди Осмонкулов, Алтынай Нарбаева ырдап, төкмө акын Баян Акматов өнөрүн тартуулады.

Белгилей кетсек, Кыргызда Энелер күнү май айынын үчүнчү жекшембисинде белгиленет. Бул жылы 21-майда өтөт.