Бишкекте эркин күрөш боюнча эл аралык мелдештин 1-күнү жыйынтыкталды

Бишкектеги Кожомкул атындагы Спорт Ордосунда СССРдин спорт чебери, Кыргыз ССРинин эмгек сиңирген машыктыруучусу, В.Т.Жапаралиевдин элесине арналган чоңдор арасында эркин күрөш боюнча эл аралык мелдеш бүгүн, 13-майда башталды. Аталган спорт түрүнүн федерациясынан билдиргендей, мелдешке Кыргызстан, Казакстан жана Өзбекстандын балбандары катышып жатат. Ал эми иш-чаранын 1-күнүнүн жыйынтыгы төмөнкүдөй болду: 55 килограммга чейинки салмакта Р.Асанов, 66 килограммга чейинки салмакта Р.Анапияев, 84 килограммга чейинки салмакта Т.Аскаров, 120 килограммга чейинки салмакта М.Марков жеңүүчү болуп табылышты. Айтылгандай, эртең 14-майда саат 10:00дө 3 салмак категориясындагы балбандар күрөшмөкчү. Ал эми таймаштын жеңүүчүлөрү эл аралык мелдешке катышууга уруксат алышат.