"Экстремисттик аракеттерге каршылык көрсөтүү жөнүндө" мыйзамга өзгөртүү жана толуктоо кирди

Президент Алмазбек Атамбаев "Экстремисттик аракеттерге каршылык көрсөтүү жөнүндө" КРнын мыйзамына өзгөртүү жана толуктоолорду киргизүү тууралуу" КРнын мыйзамына кол койду. Мыйзам Жогорку Кеңеш тарабынан 2013-жылдын 4-апрелинде кабыл алынган. Ал экстремисттик аракеттерге каршылык көрсөтүүнүн натыйжалуулугун жогорулатууга багытталган. Башкача айтканда, мыйзам долбоору маалымат каражаттарында жайгаштырылган экстремисттик материалдарга каршы күрөштү күчөтүү максатында иштелип чыккан.