Баткен. Ноябрда Жаштар үйү ачылат

“Баткен шаарында Жаштар үйүнүн курулуш иштери аяктап, ноябрь айында колдонууга берилүү алдында турат. Курулушка 2011-жылдын октябрь айында Жаштар, эмгек жана иш менен камсыз кылуу министрлиги тарабынан 2 миллион 600 миң сом, облустук мамлекеттик администрациясынан 2 миллион 600 миң сом бөлүнүп берилген. Бул курулуш 5 миллион 200 миң сомго бааланган, бирок акырында жумуштун көлөмү көбөйүп, каражат 7 миллион 200 миң сомду түздү. Келечекте Жаштар үйүн жаштардын маданият очогуна айлантып, аларга чет тилдер, компьютер ийримдерин ачып, санариптик китепкана жана башка көптөгөн мүмкүнчүлүктөрдү түзүп берүүнү пландаштырып жатабыз”,- деп келечектен көптү үмүттөндүрдү Жаштар, эмгек жана иш менен камсыз кылуу министрлигинин Баткен облустук башкармалыгынын башчысынын орун басары Кубаныч Сайкалов.