Асылбек Жээнбеков: "Шайлоону таза өткөрүү үчүн шайлоочуларга биометриялык паспорт берүү керек"

“Шайлоолорду ачык өткөрүү үчүн бир топ иштер жасалышы керек”,- деди 14-майда “Ала-Арча” мамлекеттик резиденциясында КРны туруктуу өнүктүрүү стратегиясы боюнча Улуттук кеңештин жыйынында төрага Асылбек Жээнбеков. Айтымында, шайлоону таза өткөрүү үчүн шайлоочуларга биометриялык паспорт берүү керек. “Ошондой эле тиешелүү жабдуулар менен камсыз болушубуз керек. Ал үчүн  көп суммадагы каражат бөлүнүш зарыл. Ага азыртадан баштап даярданып, тиешелүү иштерди жүргүзүү учурдун талабы”,- деди төрага.