СУПЕРСТАН: "Албарсты басканда демиң кысылып, оозуңа келме келбей, кыймылдай албай каласың"

SUPER.KG порталынын "Суперстан" бөлүмүндө "Жин, албарстылар тууралуу" деген тема талкууга алынган.

Темадагы билдирүүлөрдөн:

"Мен өзүм андай көзгө көрүнгөндүн бирөөсүн да көрө элекмин. Көргөндөн корком, көрүп калсам жүрөгүм ошол замат жарылып кетет болуш керек. Чоң атам албарсты көрчү бир бөбөгүм уктап жатып эле оозу көгөрүп чыкчу кыйналып, чоң атам болсо мылтыгын алып "чык эле, чык" деп Албарстыны кубалачу. Биздин биологиядан сабак берген агайыбыз болсо "кыргыздар кечинде жатарда эки чоң чыны кесмени бастырып алып, анан кыйналганын билбей" мени Албарсты басты дешет, Албарсты деген жок" дечү. А тайкемдер дайыма түндө парданын артынан карап турган кара кийимчен аялды көрүшчү экен. Кийин таенем каза болгондон кийин жоголуп кетиптир. Алар үй илгерки, эски мүрзөнүн үстүнө салынып калган дешчү. Ал жакка барганда тим эле жүрөгүм түшөт. Бирок мындай окуяларды көп эле укчубуз, уккандан кийин эшикке чыга албай калчу элек".

"Мындан эки же үч жыл мурда болуш керек, үйдө эч ким жок, баары конокко кеткен. Кеч кирип, короодогу уй-койду карап келип жатайын деп жүргөм. Алдымдан бир нерсе өтө тез ылдамдыкта өтүп кеткен. Мен анын так сөлөкөтүн көрө алган эмесмин, анын үстүнө караңгы болчу. Ал зат ошол жиндердин дүйнөсүнөн бирөө болгон деп эле жоромолдоп койгом".

"Ушул эле калды эле негизи. Андан көрө адам кейпиндеги Албарстылардан корккула, кайдагы жомокко ишенбей".

"Албарсты басат деген бар илгертеден эле. Албарсты басканда демин кысылып, оозуңа келме келбей, кыймылдай албай каласың. Үстүңдө оор капкара нерсе жаткандай болот. Качан келме келтирсең анан качат. Ага чейин жан алекетке түшө бересиң. Ошондуктан кыргыздар үйгө арча түтөтүп, аластап турушкан".

"Адам баласынын башынан өтмөйүнчө ишенбейт, негизи бар. Бирок жин-шайтан деп айта албайм. Албарсты басканда кадимкидей эле бир киши болуп келет. Мисалы, мага апам болуп келген, мен апалап жатып үнүм чыкпай, оор нерсени сезип тумчуккандай, андан да жаман сезимде болгом. Келме келтирсең кадимкидей жеңилдеп, анын кетип жатканы сезилет. Ишенбей жатасыздарбы, мен да бир убакта ишенчү эмесмин, Кудай таалам бир түндө ишендирип койду. Азыркы күнгө чейин басат, кыйналам".

Талкууга кошулгуңуз келсе, бул жакка кириңиз.