Өлкөдө 4 айдын ичинде эт өндүрүү 1,2 пайызга өстү

Кыргызстанда январь-апрель айларында эт, сүт жана жумуртка өндүрүмү жогорулаган. Бул тууралуу улуттук статистика комитетинин басма сөз кызматы билдирди. 2013-жылдын алгачкы 4 айында 107 070 тонна эт өндүрүлгөн, бул өткөн жылга салыштырмалуу 1,2 пайызга көп. Сүт өндүрүмү да 2012-жылга салыштырмалуу 1,9 пайызга өсүп, 341 100 тоннаны түзгөн. Ошондой эле 126 742 даана жумуртка өндүрүлүп, 2012-жылга салыштырмалуу 8,6 пайызга жогору болгон.