Вице-премьер-министр: "Кыргыздагы улуттардын биримдигин сактоо мамлекеттик маанилүү милдет болуп саналат"

Кыргыздагы улуттардын биримдиги, элдин рухий жана маданий жалпылыгы тууралуу идеяларды калыптандыруу жана жайылтуу мамлекеттик маанилүү милдет болуп саналат. Бул маселелерди үй-бүлөлөрдүн, билим берүү, маданият, спорт мекемелеринин, жалпыга маалымдоо каражаттарынын, коомдук уюмдардын жигердүү катышуусу менен чечүүгө болот. Бул тууралуу вице-премьер-министр Жеңиш Разаков 31-майда Кыргыз Республикасынын Президентинин жарлыгы менен бекитилген элдин биримдигин жана этностор аралык мамилелерди чыңдоо концепциясын биринчи кезекте ишке ашыруу боюнча ведомстволор аралык комиссиянын алтынчы жыйынында билдирди.

Маалым болгондой, концепцияны ишке ашыруу боюнча 2013-2017-жылдарда биринчи кезектеги иш-чаралардын планы 36 пунктан турат. Концепциянын планын аткарууда төрт багытта иш алып барылды. Булар чыр-чатактарды болтурбоонун алдын алуу системасын түзүү, этностор аралык мамилелерди мамлекеттик укуктук жөнгө салуу, мамлекеттик тилдин бириктирүүчү ролу жана тилдик көп түрдүүлүктү өнүктүрүү.

"Ыкчам маалымат алмашуу жана кабыл алынган чаралар үчүн республикалык деңгээлде Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги улуттар аралык чыр-чатактардын алдын алуу боюнча систем түзгөн. Программанын туруктуулугун камсыз кылуу үчүн көп тилдүү окутууга 2015-жылдын 1-сентябрында жогорку окуу жайлардын 90 окутуучусу квалификациясын жогорулатуу курстарынан өтүштү. Техникалык предметтерди окутууда тилдерди үйрөнүү боюнча жергиликтүү жана чет элдик университеттердин бирдиктүү усулу иштелип чыгууда. Мамлекеттик тилди окуп үйрөнүү этникалык топтордун коомго аралашуусун жакшырат", - деп билдирет өкмөттүн басма сөз кызматы.

Жыйындын соңунда 2016-жылы жана 2017-жылдын 1-кварталында иш-чаралардын планынын аткарылышы канааттандырарлык деп табылды.