Башкы прокурор Индира Жолдубаеваны президент "Кыргыз Республикасынын эмгек сиңирген юристи" наамы менен сыйлады

Президент Алмазбек Атамбаев өлкөнүн соттук реформасынын укуктук негиздерин курууга жана Кыргыз Республикасынын мыйзамдарын жакшыртууга салымын кошкон бир катар инсандарга сыйлыктарды ыйгарды. Бул тууралуу президенттин расмий сайтында кабарланат.

"Даңк" медалы менен президенттин алдындагы Соттук реформа боюнча Кеңештин мүчөсү, Жогорку Кеңештин депутаты Максат Сабиров, Жогорку Кеңештин экс-депутаты, Евразия экономикалык биримдигинин сотунун Кыргыздын атынан судьясы Галина Скрипкина сыйланат;

Өлкө башчысы муну менен катар "Кыргыз Республикасынын эмгек сиңирген юристи" наамы менен төмөнкүлөрдү сыйлады:

Эксперттик топтун мүчөсү, Кыргыз Республикасынын Жогорку сотунун төрайымынын орун басары Анархан Базаралиева;

Эксперттик топтун мүчөсү, Кыргыз Республикасынын Президенттик аппаратынын соттук реформа жана мыйзамдуулугу боюнча бөлүмдүн эксперти Сергей Демин;

Президенттин алдындагы соттук реформа боюнча кеңештин экс-катчысы, Кыргыз Республикасынын Башкы прокурору Индира Жолдубаева;

Кыргыз Республикасынын президентинин алдындагы соттук реформа боюнча кеңештин мүчөсү, Жогорку Кеңештеги президенттин ыйгарым укуктуу өкүлүнүн орун басары, президенттик аппараттын укуктук жактан камсыздоо бөлүмүнүн жетекчиси Анарбек Исмаилов;

Кыргыз Республикасынын президентинин алдындагы соттук реформа боюнча Кеңешинин мүчөсү, Сотторду тандоо боюнча республикалык кеңешменин төрагасы Шамарал Майчиев;

Жогорку Кеңештин аппаратынын юридикалык бөлүмүнүн жетекчиси Канатбек Садыков;

Эксперттик иш тобунун жетекчиси, Кыргыз улуттук университетинин юридика факультетинин деканы, профессор Кынатбек Сманалиев;

КРнын президентинин алдындагы соттук реформа боюнча кеңештин мүчөсү, Кыргыз-Орус Славян университетинин эл аралык байланыш боюнча проректору, юридика илимдеринин доктору Лейла Сыдыкова сыйланышты.