Бишкекте окуучу кыз экзамен тапшыра албай калып асынып алгандыгы айтылууда

Бишкекте 9-класстын окуучусу асынып алды. Бул тууралуу SUPER.KG`ге Бишкек ШИИБинин басма сөз катчысы Адыл Оморов билдирди. Анын айтымында окуя Свердлов районунда болгон.

“5-июнь күнү саат 18:00дөр чамасында өспүрүм кыз асынып алганы тууралуу маалымат келип түшкөн. Кийин ал 2002-жылы төрөлгөн кыз экени белгилүү болду. Өспүрүм өгөй атасы менен турчу экен, асынып алганын да биринчи өгөй атасы көргөн. Денесинде урулган же башка шек жараткан тактар жок. Калган маалыматтар соттук-медициналык экспертизанын жыйынтыгы менен дайын болот", - деди Адыл Оморов. "Мындан сырткары окуучу кыз экзамен тапшыра албай асынып калгандыгы тууралуу маалыматтар чыгып жатат. Мындай учурда асынып алган адам кат жазып калтырышы мүмкүн. Бирок кат табылгандыгы тууралуу маалымат жок", - деп кошумчалады.