Үч өспүрүм изделүүдө. Алар чогуу үйдөн чыгып кеткен бойдон дайынсыз

Чүй облусунун Панфилов районундагы Панфилов айылында жашаган бир туугандар, 12 жаштагы Рамазан Дүйшөнбеков, 9 жаштагы Тахмина Дүйшөнбекова жана 10 жаштагы алардын кошунасы Айгерим Сыдыкова эки күндөн бери дайынсыз болууда. Чүй ОИИББинин маалымат кызматынан кабарлашкандай, алар 5-июнь күнү саат 18:30да үйдөн чыгып кеткен боюнча кайрылып келишкен эмес.

12 жаштагы Рамазан Дүйшөнбековдун өзгөчө белгилери - бою 120-125 сантиметр, чачы күрөң, оң көзүнүн алдында калы бар. Ал эми үстүнө кызыл түстөгү футболка жана кара түстөгү жынсы шым кийип жүргөн.

9 жаштагы Тахмина Дүйшөнбекованын өзгөчө белгилери - бою 110 сантиметр, көзү кара, чачы сары, чекесинде кичинекей тырыгы бар. Үстүнө ак футболка, юбка, бутуна кызыл бут кийим кийген.

10 жаштагы Айгерим Сыдыкованын өзгөчө белгилери - бою 120-125 сантиметр, кой көз, чачы күрөң. Үстүнө күлгүн түстөгү спорттук кийим жана көк түстөгү жынсы шым кийген.

Эгерде балдарды көрүп-билгендер болсо, Чүй ОИИББинин нөөмөт бөлүмүнө 0312 43-01-27, 0312 43-88-85 телефондору аркылуу, Панфилов РИИБинин нөөмөт бөлүмүнө 0312 60-79-89, 0550 88-87-24, 0701 50 27 03 телефон номурлары аркылуу кабарлап койсоңуздар болот.