Маданият министринин орун басары өлкөнүн туризм тармагындагы көйгөйлөрдү атады

Бүгүн, 9-июнда КСДП фракциясынын жыйынында Маданият, маалымат жана туризм министринин орун басары Азамат Жаманкулов өлкөнүн туризм тармагындагы көйгөйлөрдү атады.

Анын айтымында, коопсуздук маселеси негизги көйгөйлөрдүн бири. Ал былтыркы Орусиядан келген туристти тоноо фактысын мисалга келтирип, мындай көрүнүштөр туризм тармагына зыянын тийгизип жатканын айтты.

“Ошондой эле экологиялык маселелер, таштанды, пакеттер көлдүн тегерегинде ташталган. Жолдун начардыгы дагы зыянын тийгизүүдө. Европа мамлекеттеринде түз аба каттамдары жок. Кыргыз мамлекетин Кытай жана Бириккен Араб Эмираттары туристтик өлкө катары тааный элек”, - деди ал.

Аталган фракциянын жыйынында Кыргыз Республикасындагы туристтик тармактагы абал жана жайкы туристтик сезонго даярдык тууралуу маалымат угулуп жатат.