Тажикстандын президенти Эмомали Рахмон Кыргызстанга иш сапары менен келет

28-29-май күндөрү Тажикстандын президенти Эмомали Рахмон атайын иш сапары менен Кыргызстанда болот. Бул тууралуу ТИМдин КМШ департаментинин башчысы Эрик Бейшембиев (сүрөттө) бүгүн, 15-майда билдирди. Маалыматка ылайык, Э.Рахмондун бул иш сапары Жамааттык коопсуздук келишим уюмунун мамлекет башчыларынын май айынын аягында Бишкекте өтүүчү саммитине туш келет. Мындан улам, ал аталган саммитке катышып, анда 5 мамлекеттер ортосунда бир катар макулдашууларга кол коюлат.