Австралияда Гавел аттуу ит изкубарлыктан алынды. Ага анын адамдар менен ынак болгондугу себеп дешүүдө

Австралиянын Квинсленд штатында Гавел аттуу ит изкубарлыктан алынды. Ага анын адамдар менен ынак болгону себеп болгон. Бул тууралуу "The Daily Telegraph" басылмасы 8-июнда жазып чыкты.

Немис овчаркасы бир нече ай мурда жумушка алынган. Аны укук коргоо органдарынын ишине жардам кылууга даярдап жатышкан эле. Бирок соӊунда кинологдордун аргасы түгөнгөн. Анткени Гавел бейтааныш адамдар менен ойногонду жакшы көрчү.

Изкубарлыктан алынган соӊ ага ылайыктуу башка жумуш табылды. Тагыраагы, эми Гавел Квинсленд штатындагы Өкмөт үйүнө келген конокторду тосуп алып, губернатор Пол де Жерси (Paul de Jersey) менен иш-чараларга катышат.