Орусияда зыяраттан кайтып келаткан автобус оодарылып, ичинен 12 жүргүнчү каза болду

11-июндан 12-июнга караган түнү Орусиянын Петровск-Забайкальск районундагы Байкал унаа жолунун 702-чакырымында 51 жүргүнчүсү менен бара жаткан автобус жолдон чыгып ала салып кеткен. Кырсык тууралуу жергиликтүү маалымат каражаттары жазып чыгышты.

Маалыматта белгилүү болгондой, жол кырсыгынан 12 адам каза болуп 39 адам түрдүү оор жаракаттары менен ооруканаларга жаткырылды. Автобустун жүргүнчүлөрү Читадагы Варлаам монастырына зыярат кылып, кайтып келаткан адамдар экендиги айтылууда. Жол кырсыгы катталган аймактын жергиликтүү бийлиги билдиргендей, Чита-Иркутск унаа жолунун 702-чакырымында оңдоо иштери жүрүп жаткан. Айдоочу жол белгисин байкабай 30 метр бийиктиктен ылдый кулап, ала салып кеткен дешет. Окуя болгон жерде 100дөн ашуун куткаруучулар иш алып барышууда.