СУПЕРСТАН: "Эркектер өмүрүндө бир гана кызды сүйөт, калганы анын көлөкөсү деген чынбы?"

SUPER.KG порталынын "Суперстан" бөлүмүндө "Эркектер өмүрүндө бир гана кызды сүйөт, калганы анын көлөкөсү" деген тема талкууга алынууда.

Темадагы билдирүүлөрдөн:

"Туура айтасыңар, эркек бирөөнү гана сүйөт. Калганын ошол кызга окшоштурасың же окшош болуусун каалайсың".

"Кайсы бир учурда биринчи сүйгөнүнө окшошун издеши мүмкүн. Анткени анын жакшы жактарын, баарын байкап, анын кандай экенин билип бүткөн дейли, бирок турмуш экөөнү эки жакка ажыраткан соң кийинки адамдан ошол саппаттарды издеши мүмкүн. Бирок андан табалбаган жылуулукту, ага болгон мээримди башкадан табаттыр же тескерисинче ага жасаган мамилени башка адамдан таба албайттыр. Ошондуктан да бир жолу сүйүү келет деп айтылып калса керек".

"Адамда бир эле жүрөк болгондон кийин бирөөнү эле сүйөт. Ал эми көрүнгөндү сүйөм дей бергени сүйүү эмес, жөн гана жактыруу, кызыгуу, көңүл ачуу. Көпчүлүк учурда башка эле сезимдерди сүйүү менен чаташтырып көп ката кетиребиз".

"Кимге кандай билбейм, мен келинчегимди окуп жүргөндө эле сүйүп, жетүүгө максат койгон элем. Мына үйлөнгөнүбүзгө он жыл болуп, бала-чакалуу болсок да сүйүүбүз күчөп, темирдей чыңалууда. Жашоонун кызыгы сүйүү менен гана. Болгону бир адамды сүйүү жана аны бактылуу кыла билүү керек".

"Ооба, эркектер бирөөнү гана сүйөт жана ошого жетүүгө аябай аракет кылат. Эгер жетпесе башкасына ооп кете берет. А биз байкуш аялзаты күйөөгө тийиш керек, сүйөсүңбү-сүйбөйсүңбү ал жагы кызыктырбайт. Жуучулар келсе "эки жаш бактылуу болсун" деп бата кылып жиберишет. Төрөш керек, жашаш керек, бизде ушундай".

"Эркектер бирди эле сүйөт дегенге мен кошулбайм. Эркектер бир учурда экөөнү же үчөөнү бирдей эле сүйө алат, жаратылышыбыз ушундай. Жараткан бизге ушундай өзгөчөлүк берген, ошондуктан төрт аял алганга уруксат берилген".

Талкууга кошулгуңуз келсе, бул жакка кириңиз.