ӨКМ: Чүй жана Бишкек шаарынын аймагында күтүлгөн катуу шамал болгон жок

Бүгүн, 13-июнда Кыргызгидрометтен билдиришкендей, кечки саат 19:00-19:30дар чамасында Чүй облусунун жана Бишкек шаарынын аймагында секундасына 15-20 метр ылдамдыктагы катуу шамал жүрүп, жамгыр жаашы күтүлөрүн билдирген.

Бул боюнча Өзгөчө кырдаалдар министрлигинин маалымат кызматы шаар жашоочуларын кооптонбоого чакырып, катуу шамал жүрө турган учур өтүп кеткендигин билдирди.

Бишкек шаарында учурда абанын температурасы +26 °C

Батыштан соккон шамалдын ылдамдыгы секундасына 2 метрге чейин жетүүдө.

Бофорттун шкаласы боюнча секундасына 17-20 метр ылдамдыкка чейин жеткен шамал жеңил конструкцияларды учуруп, бак-шактын сынып кулашына алып келет.