"ЭЛДИК КАБАРга" жооп: Мамкаттоонун Аламүдүндөгү бөлүмүнүн сыртына каталар менен жазылып илинген тактай алынды

Чүй облусунун Мамлекеттик каттоо кызматынын Аламүдүн районундагы бөлүмүнүн сыртына 7 ката менен жазылган тактайча алынып салынды. Бул тууралуу бүгүн, 14-июнда SUPER.KG порталына Аламүдүн райондук Транспорттук каражаттарды жана айдоочулук курамды каттоо департаментинин автотранспорттук каражаттарды жана айдоочулук курамды каттоо боюнча бөлүмүнүн башчысынын орун басары Максат Бейшеев билдирди.

"Буга чейин мекеменин аталышын жаздырууга буюртма бергенбиз. Кечээ, 13-июнда биз жокто алып келип илип кетишиптир. Ошол учурда тургундар сүрөткө тартып алышыптыр. Бул компьютерден текстти терип жаткан учурда кетирилген ката болуптур. Аны биз дароо алып таштадык", - деди Бейшебаев.

Эске салсак, буга чейин окурман "Элдик кабарга" мекеминин аталышы жазылган тактайчаны сүрөткө тартып, каталарын белгилеп жөнөткөн.