Супер-Инфо
super.kg видео
ЭЛДИК КАБАР: Окурман Суусамырдагы жолдун начар абалын көрсөткөн сүрөттөрдү жөнөттү
Ош-Бишкек жолунун Суусамырдагы бөлүгү начар абалда. Бул тууралуу окурман SUPER.KG порталына билдирди. Анын сунушу боюнча, Суусамырдагы жолду жамоонун ордуна толук асфальт төшөш керек.
Айта кетсек, Транспорт жана жол министрлиги Чүй облусунун Суусамыр, Төө-Ашуу унаа жолдорундагы аң-чөнөктөрүн жамоо иштери июнь айында башталарын билдирген. "Жолдорду жамоодо аба ырайынын жылуулугу +5 градустан жогору болушу керек. 23-майда министрликтин адистери Жогорку Кеңештин депутаттары менен биргеликте аталган жолдордун абалын көрүп келишти. Учурда жаан жаап, жолду оңдоого мүмкүнчүлүк жок экенин айтышты", - дешкен мекемеден.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |