Италияда өзүн ханзаада катары тааныштырып бир нече жыл бою ырчыларды, жеке ишкерлерди алдап жүргөн адам кармалды

Италияда өзүн падышанын тукумунан болом деп белгилүү ырчыларды, аристократтарды алдап жүргөн Стефан Цернетич аттуу адам полиция кызматкерлери тарабынан колго түштү. Бул тууралуу чет элдик басылмалар жазышууда.

Кармалган жаран бир топ жылдан бери белгилүү инсандарга өзүн Черногория менен Македониянын ханзаадасы катары тааныштырып, жылдыздардын ар түрдүү кечелерине барып, алар менен түшкөн сүрөттөрүн интернетке жүктөп турган.

Цернетич мейманканада жашап, акчасын төлөбөй эсепти Римдеги Македония элчилигине жиберүүнү айткан. Мейманкананын башчысы элчиликке кайрылганда “ханзаада” тууралуу аларда маалымат жок болуп чыккан.

Андан соң иликтөө иштери башталып өзүн ханзаада катары тааныштарган 56 жаштагы Стефан Цернетич Италиянын жөнөкөй эле жараны экени аныкталган.