Lenovo оромодой ороло турган жаңы ноутбук чыгарат

Келечекте мобилдик аппараттар жаңы өзгөчөлүктөр менен, ийиле турган мүмкүнчүлүктөр камтылган формада чыгарылышы күтүлүүдө. Түрдүү корпорациялардын роликтеринде камтылгандай, бүктөлмө планшеттер, колго тагылчу смартфондор чыгарылышы күтүлөт. Учурда түрдүү компаниялар ийилчээк аппараттардын үлгүсүнүн үстүндө иштеп жатат.

Өткөн жылы Lenovo ортосунан бүктөлө турган планшет жана ийилчээк смартфон көрсөткөн. Бул жылы Кытай компаниясы андан да кызык болгон ийилчээк ноутбуктун үлгүсүн көрсөттү.

Жакында эле Нью-Йоркто болгон иш-чарада Lenovo ортосунан кагаз сыяктуу бүктөлө турган ноутбуктун үлгүсүн жарыялады. Бул кадимки ноутбуктан айырмаланат. Анын экраны аппараттын көп бөлүгүн ээлеп, баскычтардан өйдө жайгашкан. Жайылып турган учурда колдонуучу клавиатуралардан башталган чоң экрандан пайдалана алат.

Андагы дагы бир өзгөчөлүк - клавиатуралардын алды жагында кошумча үч баскыч кошулган. Сезимтал экранда башкаруу системи да камтылган.

Бул жаӊылык азырынча долбоордун негизинде гана көрсөтүлгөн. Келечекте ушул сыяктуу жаңы өзгөчөлүктөрдөн турган ноутбуктардын үлгүлөрү чыгары күтүлүүдө.