Москвада канализациядан чыккан газга ууланып каза болгондордун экөө Кыргыз жарандары

Москвада канализациядан чыккан газга ууланып каза болгондордун экөө Кыргыз жарандары. Кыргыз мамлекетинин Орусиядагы элчилигинен SUPER.KG'ге билдиришкендей, элчиликтин кызматкерлери 22-июнда окуя болгон жерге барышкан. Алар Орусиянын Өзгөчө кырдаалдар министрлигинен каза болгондордун арасында Кыргыз жарандары бар экендиги тууралуу маалымат алышкан. Азыркы учурда каза болгон жарандардын аты-жөндөрү такталууда.

Окуя кечээ, 22-июнда Москва шаарынын батыш тарабындагы Кунцево районундагы Боженко 5 көчөсүндө болгон. Анда жумушчулар үйдүн алдындагы канализациядагы ыплас сууну сордуруп жатышып, 6 жумушчу метан - газ абалындагы аралашмага ууланышкан. Андан 5 адам каза таап, бир адам ооруканага жиберилген. Алдын ала алынган маалыматтар боюнча алар техникалык коопсуздукту сакташкан эмес.