Бишкекте "Өнүгүү-Прогресстин" Бакыт Төрөбаевди президенттикке көрсөтүү боюнча курултайы өтүп жатат. Ага Ахматбек Келдибеков менен Камчыбек Ташиев да катышууда

Бишкекте 27-июнда "Өнүгүү-Прогресс" партиясынын курултайы өтүүдө. Күтүлгөндөй эле иш-чарага өлкө аймактарынан келген делегаттар, партиянын саясий кеӊешинин мүчөлөрү, ММК өкүлдөрү жана башкалар катышып жатат. Курултайга саясатчылар Ахматбек Келдибеков, Камчыбек Ташиев, депутат Жанар Акаев да келди. Ташиев менен Келдибеков 19-июнда “Ак Шумкар” партиясынын курултайына да катышып, президенттик шайлоого аттанган Темир Сариевге тилектештик билдиришкен. "Өнүгүү-Прогресстин" курултайында быйыл 15-октябрда өтүүчү президенттик шайлоого партия лидери Бакыт Төрөбаевдин талапкерлиги бекитилери күтүлүүдө.