Үпөл Анаркулова: "Депутат Жылдыз Мусабекова менден эл алдында кечирим сураса, аны кечирүүгө даярмын"

КСДПдан депутат Жылдыз Мусабекова менден жана жакындарымдан эл алдында ачык түрдө кечирим сураса, аны кечирүүгө даярмын. Мындай оюн журналист бүгүн, 28-июнда SUPER.KG порталына билдирди.

"Биздин телефондогу сүйлөшүү жарыялангандан кийин анын жакындары ага байланышып, менин тааныш агаларым да мага байланышып, ортого түшүп элдештирүүнү сунуштап жүрүштү. Өзүм орозо кармап, бул айда кеткен катачылыктарды кечиришүү туура деп ойлогом. Бирок ал тараптан эч кандай байланыш болгон жок", - деди Анаркулова.

Ошондой эле ал жеке жашоосундагы жаңылыгы менен бөлүшө кетти.

"Бир жума болду, турмушка чыгып Жалал-Абаддын Аксы районундамын. Келиндик кызматта болгондуктан телефон чалууларга, социалдык тармактардагы каттарга жооп берүүгө убакыт аз болуп жатат", - деп кошумчалады ал.