Нью-йорктук фотограф келгиндердин учуучу объекттерин тартып алганын айтууда

Нью-йорктук Ральф аттуу фотограф 9 күн мурун келгиндердин 2 учуучу объекттерин тартып алганын айтып жатканын Discover 24 басылмасы жазып чыкты. Анын айтымында, алар Жерден учуп чыгышкан. Өз сөзүндө ал шаардын четине жылдыздарды тартуу үчүн көп чыгат. Тартып алган сүрөтү тууралуу айтып жатып алар комета же спутник болушу мүмкүн эмес экенин баса белгилеген. Биринчиден, объекттер ылдыйдан өйдөнү көздөй учушкан. Экинчиден, алардын түзүлүшү спутниктердей эмес.

Асманды сүрөткө түшүрүп жатып, фотограф фотоаппараттын объективин 20-секундага ачык койгон. Ошол маалда ал асманда учуп бараткан объекттерди байкап, алар камерага түшкөн-түшпөгөнүнө шектенип калган. Көнгөн ишин улантып, сүрөттөрдү үйүнө келип караган. Объекттер сүрөткө түшүп калганын көргөн Ральф аларды жарыялап, сүйүнчүлөгөн.

Буга чейин да Риганын үстүндө болжол менен келгиндердин учуучу объекттеринин видеосу интернетке тараган.