"Кыргыздын мигрант кыздарынын укугу корголбой жатат" дейт депутат Касымалиева

Жогорку Кеӊештин депутаты Аида Касымалиева Кыргыздын мигрант кыз-келиндеринин укугу корголбой жатканын айтып чыкты. Бул тууралуу депутат 29-июнда парламентте билдирди.

"Маалымат каражаттарына Орусияда өзүбүздүн мекендешибиз тараптан бир келин бычакталып өлтүрүлдү, зордукталды деген маалымат чыкты. 2010-жылдан бери бул көйгөй жоюлган жок. Кыз-келиндердин укугун коргоо же өзгөчө көңүл буруу зарыл. Кыргыз мамлекетинен 16-17 жаштагы кыздар чет жерге иштегени барып ден соолуктары бузулуп жатат", - деди эл өкүлү.

Миграция боюнча мамлекеттик кызматтын төрагасы Медетбек Айдаралиевге акыркы 1-2 жылдын ичинде мигранттардын абалы жакшырганын айтты. Чет жерде Кыргыз жарандары мекендештерин кордогон фактылар көп эмес деген пикирде.